Zgjidhja e Mosmarreveshjeve me Ndërmjetësim
Ndërmjetësimi zbatohet për zgjidhjen e të gjitha mosmarrëveshjeve në fushën e:
- të drejtës civile;
- të drejtës tregtare,
- të drejtës të punës;
- të drejtës familjare,
- të drejtës pronësisë intelektuale;
- të drejtave të konsumatorëve;
- të mosmarrëveshjeve midis organeve të administratës publike dhe subjekteve private.
Ndërmjetësimi për zgjidhjen e mosmarrëveshjeve të ndryshme deri në fazën e ekzekutimit është mjet ligjor efikas që shkurton afatet në përmbushjen e detyrimeve dhe realizimin të drejtave të njohura nga ligji, vendimi gjyqësor, kontrata apo akt tjetër i ligjshëm. Për informacion më të detajuar na kontaktoni.
Në fushën penale zbatohet për mosmarrëveshjet që shqyrtohen nga gjykata me kërkesën e viktimës akuzuese, konkretisht:
- dëmtime të tjera me dashje (neni 90 Kodi Penal),
- plagosja e rëndë nga pakujdesia ( neni 91 Kodi Penal)
- plagosja e lehtë nga pakujdesia (neni 92 Kodi Penal),
- dhunimi i banesës (neni 112/1 Kodi Penal)
- fyerja (neni 119 Kodi Penal)
- fyerja me motive racizmi ose ksenofobie nëpërmjet sistemit kompjuterik (neni 119/b Kodi Penal)
- shpifja (neni 120 Kodi Penal)
- ndërhyrje të padrejta në jetën private (neni 121 Kodi Penal)
- përhapja e sekreteve vetjake (neni 122 Kodi Penal)
- mosdhënia e mjeteve për jetesë (neni 125 Kodi Penal)
marrja e padrejtë e fëmijës (neni 127 Kodi Penal)